Юрий Зайцев республикыштына инноваций оборудованийым лукмаш дене палыме лийын

Юрий Зайцев республикыштына инноваций оборудованийым лукмаш дене палыме лийын
              Юрий Зайцев республикыштына инноваций оборудованийым лукмаш дене палыме лийын. Промышленностьын тӱрлӧ отрасльжын йодмышт почеш, республикыште аналитик газ хроматографым, лабораторный реактор установкым, шымлыше да висыше оборудованийым шке ямдылен, ыштен луктыт. Тыгай продукцийым лукшо ик предприятийлан «Мета-Хром» шанче производство фирме» шотлалтеш.                               Республикым вуйлатыше производствыш миен, продукцийым лукшо цех- влакым ончен. Мемнан предприятий- влакын элысе производствым вияҥдаш, йот эл сату дене кылдалтдыме лияш, эше туняштат уке ойыртемалтше разработкым ыштымышт куандара. Тиде технологий суверенитет да экономикым ӱшанлын вияҥдымашке чын ошкыл,- каласен тудо.
                Республикым вуйлатышын мийымыже годым тудлан ямде продукцийлан презентацийым эртареныт. Хроматограф- влак вещества-шамычын сложный вартышыштым лончылаш кучылталтеш. Оборудований вӱдышӧ нефтегаз да нефтьым перерабатыатлыше предприятийлаш, Россий ден СНГ вузлашке, экологий отрасльыш, тазалыкаралтыш да фармацевтике, ял озанлык, геологоразведке да моло организацийыш колталтеш. Экспортыш тӱнямбалсе лу утла элыш колтат. Фирме тыгак шымлыме да висыме установко- влакым шонен луктын шке ышта. нунын коклаште пудешталт кертше да пеҥгыде топливым аралыме годым свойствыжым арален кодымыжым да качествыжым тергыше прибор- влакат улыт. Компаний российысе рынкыште шке вержым пеҥгыдемден толеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски