Республикыште кок у поликлиникым чоҥаш тӱҥалыт
2028-ше- 2030-шо ийлаште республикыште кок у поликлиникым чоҥат. Тидын нерген шке телеграм-каналыштыже Марий Эл Правительстве вуйлатышын икымше алмаштышыже Наталья Ошланова каласкален. Тудын мутшо почеш, тыгай решенийым тазалыкаралтыш министр Владимир Гладнев дене кодшо кеҥежым Медведево да Волжск районласе рӱдӧ эмлыме верлашке мийыме деч вара лукмо. Нине эмлыме верла пеленысе поликлинике- влак чот начарештыныт, калыклан эмлалташ у да кызытсе жаплан келшышеш йӧн кӱлеш. Сандене 2028-ше гыч 2030-шо ий марте кугыеҥ- влаклан Медведево рӱдӧ эмлыме вер пелен сменыште 500 еҥлан мияш йӧрышӧ да 2029-ше 2030-шо ийлаште Волжскышто ик кечыште 120 еҥлан мияш келшыше поликлинике- влак чоҥалтыт.
Фото: Сӱрет: @Natalia_Oshlanova
Фото: Сӱрет: @Natalia_Oshlanova
