Республикыштына 90 тӱжем утла еҥ добровольчестве паша дене кылым куча

Республикыштына 90 тӱжем утла еҥ добровольчестве паша дене кылым куча
           Республикыштына 90 тӱжем утла еҥ добровольчестве паша дене кылым куча. Теҥгече Марий Элым вуйлатыше «Мы вместе» кажне ийын эртарыме Тӱнямбал премийын регионысо йыжыҥыштыже сеҥыше- влакым саламлен. 90 тӱжем утла еҥ чыла аланыште доброволец улыт: социал сферыште, тазалыкаралтышыште, экологийыште, политикыште. Ший волонтёрство чолган вияҥеш. Тидыже еҥ- влакын полшаш кумылышт чонышт гыч, шӱмышт гыч лекме нерген ойла,- каласен Юрий Зайцев. «Мы вместе» пандемий годым тӱҥалын, кызытат, лӱмын эртарыме сар операций годымат,  кӱлешлыкше ок йом. Республикым вуйлатышын кидше гыч наградым налше- влак коклаште улыт: «Карман курык пӱртӱс памятник» проектын авторжо Алексей Васильев, «Этноблогинг: самырык этноблогер- влакын жапышт» проектын авторжо Эльвира Куклина да эше кандаш ен улыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски