Округысо шанчыеҥ- влак Йошкар-Олаште Россий кӱкшытан конференцийыш погынат
Юл кундем федерал округысо шанчыеҥ- влак Йошкар-Олаште Россий кӱкшытан конференцийыш погынат. Марий сылнымутлан негызым пыштыше Сергей Чавайнын 135 ияш лӱмгечыжлан пӧлеклалтше шанче-практик конференций тиде арнян визымше октябрьыште Чавайн лӱмеш книгагудышто да МарНИИЯЛИ-ште лиеш. Мероприятий вич ийлан ик гана погына. Писательын усталык поянлыкше дене кылдалтше йодыш- влакым да калыкле сылнымутын сеҥымашыжым каҥашаш Марий Эл, Татарстан, Удмуртий, Коми, Мордовий гыч шанчыеҥ, тӱвыра да туныктыш пашаеҥ, студент да журналист- влак погынат. Программыште тыгак «М.Шкетанан усталыкше: историй да кызытсе жап» йыргешке ӱстел йыл мутланымаш эрта. Тудо марий сылнымутын классикше Майоров-Шкетанын шочмыжлан 125 ий теммылан пӧлеклалтеш.
Фото: Архив.
Фото: Архив.
