Республикыштына кугурак тукым еҥ- влакын илышыштым саемдыме йодышлан кугу тӱткыш ойыралтеш

Республикыштына кугурак тукым еҥ- влакын илышыштым саемдыме йодышлан кугу тӱткыш ойыралтеш
               Республикыштына кугурак тукым еҥ- влакын илышыштым саемдыме йодышлан кугу тӱткыш ойыралтеш. Теҥгече Марий Элым вуйлатыше Юрий Зайцев Йошкар-Оласе илалше да инвалид- влаклан «Пӱнчер» интернат –пӧртыш миен. Тудым «Демографий» калыкле проектын «Кугурак тукым» федерал проектшым шыҥдарыме кышкарыште пужен ыштыме паша кая. Мийыме годым республикым вуйлатыше фасадым, фойем да илыме пӧлем- влакым олмыктымо пашан кузе кайымыжым ончен. Интернат-пӧртым 1977-ше ийыште чоҥымо. Тудо 150 еҥлан илаш келыштаралтын, персоналже - 68 еҥ. Кызыт южтарыман фасадым ыштат, отделке да электромонтаж паша кая, окна ден омсам шындат, сантехник паша да ырыктыме системым вераҥдыме сомыл ышталтеш. Тидын годым тӧнеж штат режим дене пашам ышта. План мочеш сомылым шушаш ийын ноябрьыште мучашлышаш улыт. Но подряд организаций олмыктымо пашам шошылан мучашлаш уло вийым пышташ сӧра. Юрий Зайцев шуктымо пашалан сай акым пуэн.
             Вара республикым вуйлатыше калыклан социал  да психолого-педагогик полышым пуышо «Доверие» Республикысе рӱдерыш миен. Тушто тудо ветеран организацийлан еҥышт да илалше- влакын активышт дене вашлийын. Тудо кугурак тукымым Илалше- влакын кечышт дене саламлен да илыш урокыштлан тауштен ойлен. Регионысо кучем илалше- влакын илышыштым саемдаш чыла ышташ тырша манын. Шоҥгыеҥ- влакын тазалыкыштлан полшаш гериатрий службым ыштыме, шушаш ийын «Кичиер» санаторийыште каныше ветеран- влакын чотыштым шукемдаш палемдыме, шоҥгыеҥ- влакын чолга илышыштым шуяш манын «Марийское долголетие» проектым шҥдараш тӱҥалаш палемдыме. Мер организацийлан еҥышт шке темлымашыштым каласеныт. Юрино районын почётан гражданинже Вера Клюквина шушаш ийын Илалшын кечыже вашеш Шереметев замкыште балым эртараш темлен. Юрий Зайцев тиде тӱҥалтышым сайлан шотлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски