Республикысе калык Путинын шочмо кечыжым автопробег дене палемда
Республикысе калык Путинын шочмо кечыжым автопробег дене палемда. Российыште илыше- влак Президентын шочмо кечыжым пайремлаш темлымаш дене Калык фронт да «Таза Ачамланде» толкын деке лектыныт. Шымше октябрьыште шуматкечын элысе 27 регионышто автопробег да социал-кӱлешан мероприятий- влак эртаралтыт. Марафонышто Марий Элысе ола- влакат участвоватлат. «Путинын командыжын» еҥже- влак Йошкар-Ола ден Козьмодемьянскыште автопробегым эртарат. Финишыште кажне регион шке кумылышт почеш мероприятий- влакым ямдылат. Мутлан, Владивостокышто тӱшкан зарядкым эртарат, вес вере уремлам эрыкташ лектыт, кумшышто- пушеҥгым шындат. Йошкар-Олаште автопробегын участникше- влак СВО-што вуйым пыштыше- влакын ешышт деке мият, Козьмодемьянскыште землякыштлан ямдылыме гуманитар грузым погымашке да ойыркалымашке ушнат. Автопробеглан старт Йошкар-Олаште Сеҥымаш парк деч 10 шагатлан пуалтеш, Козьмодемьянскыште- Чап Обелиск мемориал комплекс воктелсе площадке деч.
Фото: Архив.
Фото: Архив.
