Республикыштына «Ото» сылнымут фестиваль лиеш

Республикыштына «Ото» сылнымут фестиваль лиеш
               Республикыштына «Ото» сылнымут фестиваль лиеш. 6-шо октябрьыште лӱмлӧ дате палемдалтеш: марий сылнымутлан негызым пыштыше Сергей Чавайнын шочмыжлан  135 ий темеш. Тидын шотышто ик тӱҥ лӱмгече событий- «Ото» сылнымут фестиваль кокымшо гыч 6-шо октябрь марте эрта. Тудлан тӱналтышым Чавайн лӱмеш калыкле книгагудо ыштен. Икымше кечынже республике кӱкшытан «Курымеш илыше поянлык» книгагудо марафон тӱҥалеш. Кумшо числан сылнымут календарьын презентацийже да регионла кокласе сеть медиапроектын презентацийже лиеш. Тушто калыкле регионлан да йот эллан еҥышт «Ото» почеламутым лудыт. 4-ше октябрьыште Чавайн нерген лекций, вара пайрем концерт, лудшо- влакын конкурсыштышт сеҥыше- влакым саламлымаш эрта. Визымше числаште МарНИИЯЛИ-н ямдылыме Россий кӱкшытан Чавайн нерген конференцийын секцийласе заседанийышт лиеш. Чыла тиде Чавайн лӱмеш книгагудышто эрта. Туштак экскурсий, выставке- влак ончыкталтыт. Мучашлан книгагудо воктене Чвайнын бюстшо воктеке пеледыш аршашым пыштат.
               Фото: Тӱвыра министерстве.

Прошлые выпуски