Рушарнян чоҥышо- влак шке пайремыштым палемдат
Шушаш рушарнян чоҥышо- влак шке профессионал пайремыштым палемдат. Республикым вуйлатыше Александр Евстифеев чоҥышо отрасльын ветеранже да кызытсе пашазыже- влакым пайрем дене саламла. Чоҥымо отрасль ик эн вӱдышӧ отрасльлан шотлалтеш, тудо чарныде вияҥеш: у технологий, у решений- влак кучылталтыт. Марий Элыште илыме пӧрт- влак чоҥалтыт, ола ден яллаште социал объект- влак нӧлталтыт. Тидыже чоҥышын профессийжын кӱлешлыкше нерген ойла. Республике ончылно Президент Владимир Путинын палемдыме кугу задаче- влак шогат. Лишыл ийлаште чоҥымо паша эше ешаралтшаш. Ӱшанем, палемдыме задачым те сайын шуктеда. Поснак тау шомакым ветеран- влаклан каласыме шуэш. Тендан пеҥгыдемдыме йӱла-влак тачысе пашан негызше улыт. Чылалан пеҥгыде тазалыкым, лектышым, пиалым тыланем. Тек ойырен налме профессийда илыш мучкылан лиеш, куаным да улан илышым конда,- ойлалтеш республикым вуйлатышын саламлымашыштыже.
