Россий Федерацийын сенаторжо Сергей Мартынов «Копир» заводын производство куатше дене палыме лийын
Россий Федерацийын сенаторжо Сергей Мартынов «Копир» заводын производство куатше дене палыме лийын. Республикыште гына огыл ӧрдыжтат сайын палыме завод элыштына вӱдышӧ производительлан шотлалтеш. Тудо уло Козьмодемьянсклан системообразующий предприятий гыч иктыже. Сенаторлан Предприятийын вияҥмыже да юлсер олан пӱрымашыштыже рольжо нерген олан мэрже Михаил Козлов ден заводын генеральный директоржо Юрий Полежаев ойленыт. Историйже 1966 ий гыч тӱҥалын. Тӱҥалтышыште тушто контакт пар ден разъемым луктыныт. Тидыжак заводлан лӱмым пуэн. Кызыт «Копир» российыште электрик соединитель ден автотрактор оборудованийлан комплектующийым лукшо ончыл предприятий. Шке жапыштыже тудо оборона комплексын предприятийже лийын, но 90- шо ийла чыла вашталтен. Тудым вуйлатыше- влак панкрутыш лукташ пуэн огытыл да цех- влакым россий автопромын кӱлешлыкшылан пужен ыштеныт. Но 2000-ше ийлаште элна уэш оборона промышленностьым ончыл радамыш луктын. Заводышто кызыт производствым уэмдымылан кугу верым ойырат. «Копир» пӱтынь Козьмодемьянсклан кугу рольым модеш. Паша верым гына ситара огыл, ола пайрем- влакым эртара, йоча площадкылам ыштымаште, корным олмыктымаште, уремлам эрыктымаште, эсогыл тулым йӧртымаштат полша. Сенатор ончыкыжымат градообразующий предприятийыште социал корныжым вияҥдаш ӱжын ойлен.
Фото: Сергей Смирнов.
Фото: Сергей Смирнов.
