Интернетым пуртышаш ял- влак верч йӱклат
Цифран тӧрсырлыкым кораҥдымаш- универсал кыл полыш. 13-шо августышто Кугыжаныш полыш порталыште 2023-шо ийысе Россий кӱкшытан электрон йӱклымаш мучашлалтеш. Республикын цифран вияҥмаш министерствыже электрон йӱклымаш мучашлалтме нерген ушештара. Тудо интернетым пуртышаш шӱдӧ гыч 500 марте еҥ илыман яллам рашемдаш манын эртаралтеш. Нине ял- влак «Цифран тӧрсырлыкым кораҥдымаш» проект почеш 2024-ше ийыште федерал бюджет кӱшеш интернет вот деке ушалтыт да калыклан универсал кыл полышым пуат. Электрон йӱклымаш 17 июль гыч 13-шо август марте эрта. Шке йӱкым Кугыжаныш полыш порталыште пуаш лиеш. Ушештарена: кагаз дене йӱклымаш луымшо сентябрь марте шуйна. Шке йӱкым тыге пуаш лиеш: Россий Почто гоч Россий цифран вияҥмаш министерствыш тыгай адрес дене: 123112, Москва, Пресненский эҥер сер, 10-шо пӧрт, кокымшо зданий адрес дене йодмашым колтыман. Серышыште лӱмнер, эрелан регистрироватлалтме адрес да могай яллан йӱкым пуэда, тудын лӱмжӧ ончыкталтшаш. Республикыште верланыше да темлыме ял- влак верч гына йӱкым пуаш лиеш. Тидын годым тиде ялыште регистрироватлалтме кӱлешан огыл. Тений 18-ше декабрь деч вара кугыжаныш полыш единый порталыште шуко йӱкым погышо да шушаш ийын интернетым пуртышаш ял- влакын спискышт савыкталтеш.
Фото: Марий Элысе цифран вияҥмаш министерстве.
Фото: Марий Элысе цифран вияҥмаш министерстве.
