Йошкар-Олаште Садоводын да пакчазын кечыжлан ямдылалтмаш тӱҥалын

Йошкар-Олаште Садоводын да пакчазын кечыжлан ямдылалтмаш тӱҥалын
              Йошкар-Олаште Садоводын да пакчазын кечыжлан ямдылалтмаш тӱҥалын. Тиде пайрем ынде йӱлаш пурен. Тудо 17-ше сентябрьыште Сеҥымашын 30-шо идалыкше лӱмеш тӱвыра полатыште лиеш. Чыла кумылан- влак шке пакчаштышт ончен куштымо саскаштым, емыжыштым пеледышыштым ончыктен кертыт. Пайрем кечын тыгак тыгай ончер ден конкурс- влак эртат. Мастарлыкым «Мисс Фазенда» ден «Мистер Огород», «Пакча чучыл», «Пӱртӱс материал гыч ыштыме» конкурсла, «Удачный Дачный кадр» фото конкурсышто ончыктен, саска, емыж, пеледыш выставкыш ушнен, кидйымал да пӱртӱс материал гыч «Эко модым»  ончыктен кертыт. Пайремын ойыртемже семын тений «Дармарка» поро кумыл ӱстел лиеш. Иктаж-мом ончен куштенда, но тудо ок кӱл гын, конден, пӧлеклен кертыда. Тыгак лӱмын ыштыме номинаций- влак лийыт: «Патыр-2023», «Рекрдыш каем» да  «Ӧрыктарен ӧрыктарыше».
Фото: vk.com/yoshkarola_12reg

Прошлые выпуски