Марий Элын командыже «Лӱдыкшыдымылык школ» Россий кӱкшытан 17-ше таҥасымаш гыч сеҥымаш дене пӧртылын

Марий Элын командыже «Лӱдыкшыдымылык школ» Россий кӱкшытан 17-ше таҥасымаш гыч сеҥымаш дене пӧртылын
           Марий Элын командыже «Лӱдыкшыдымылык школ» Россий кӱкшытан 17-ше таҥасымаш гыч сеҥымаш дене пӧртылын. Команде- влак зачётышто мемнан самырык спортсмен- влак изирак ийготан тӱшкаште икымше верым, кугурак ийготан- влак коклаште кумшо верым сеҥен налыныт. Россий кӱкшытан таҥасымаште мемнан команде Юл кундем федерал округын чапшым арален. Тений таҥасымаш Моско областьыште эртен. Лу кече жапыште пӱтынь Россий гыч команде- влак комбинированный пожар эстафетыште, чарак кумдыкышто, вучыдымо ситуаций годым кычал-утарыме пашам эртарымаште мом ыштен моштымыштым ончыктеныт. Таҥасымашын эн неле ужашыштыже- илен лекме ныл кечаш маршрутышто Марий Элын спортсменже- влак  изирак да кугурак ийготан тӱшкаштат эн сай лектышым ончыктеныт.
        Фото: МЧС тӱҥ виктем.

Прошлые выпуски