Россий просвещений министерстве школысо икымше класслаште шочмо йылмым тунемме шагатым шагалемдыме нерген умылтарымашым пуэн
Россий просвещений министерстве школысо икымше класслаште шочмо йылмым тунемме шагатым шагалемдыме нерген умылтарымашым пуэн. СанПиН-ын йодмашыже дене келшышын икымше классыште тунемше- влаклан кечеш ныл урок але арняш 20 шагат нагрузко лийшаш. Ешартыш урокшо физкультура гын, 21 шагат марте ешараш лиеш. СанПиН-ын йодмыжым шукташ ик предметым кораҥдаш кӱлеш ыле. Тыге шочмо йылме ден сылнымутым тунемме шагатым кӱчыкемдаш пунчалме. Нине предметым ончычсо семынак урок деч ӧрдыжсо занятийлаште тунемаш лиеш,- умылтарат ведомствышто.
Россий Просвещений министерстве 704-ше номеран приказым пеҥгыдемден. Тудо икымше гыч 4-ше класс марте тунемше- влаклан шагат чотым палемда. Тений икымше сентябрь гыч икымше классыште арняште нагрузко 20-21 шагат, кокымшо гыч нылымше класс марте 23 гыч 26 шагат марте тунемшаш улыт. «Коммерсантъ» газетын увертарымыже почеш, тиде уым пуртымаш Татарстан, Якутий, Марий Эл да моло республикыласе кучемын тургыжланымашыштым луктын.- воза «Кидшер» сайт.
Фото: Марий университетын пресс-службыжо\«Кидшер».
Россий Просвещений министерстве 704-ше номеран приказым пеҥгыдемден. Тудо икымше гыч 4-ше класс марте тунемше- влаклан шагат чотым палемда. Тений икымше сентябрь гыч икымше классыште арняште нагрузко 20-21 шагат, кокымшо гыч нылымше класс марте 23 гыч 26 шагат марте тунемшаш улыт. «Коммерсантъ» газетын увертарымыже почеш, тиде уым пуртымаш Татарстан, Якутий, Марий Эл да моло республикыласе кучемын тургыжланымашыштым луктын.- воза «Кидшер» сайт.
Фото: Марий университетын пресс-службыжо\«Кидшер».
