Российын Чемпионатыштыже Марий Эл гыч патыр- влак шӧртньӧ ден ший медальым сеҥен налыныт
Греко-рим кучедалмаш дене Российын Чемпионатыштыже Марий Эл гыч патыр- влак шӧртньӧ ден ший медальым сеҥен налыныт. Марий Элын кок спортсменже виш чемпионатыште «Мастерс» категорийыште республикын чапшым ӱшанлын араленыт. Таҥасымаш Курган олаште эртен да Российын сулло тренерже Владимир Ворониным шарнымылан пӧлеклалтын. Ончыл вер- влак верч 29 регион гыч 120 спортсмен ӱчашен. Виктор Бондарь «В» дивизионышто 78 килограмм марте нелытан- влак коклаште икымше верыш лектын. «С» дивизионышто тыгак 78 килограмм марте нелытан- влак коклаште Денис Зоринлан кумшо вер логалын.- Увертара спорт кучедалмаш федераций.
Фото: Марий Элын спорт кучедалмаш федерацийже.
Фото: Марий Элын спорт кучедалмаш федерацийже.
