Российын экономически вияҥмаш министерствыже Марий Элыште посна экономик зоным ыштышашым сайлан шотлен
Российын экономически вияҥмаш министерствыже Марий Элыште посна экономик зоным ыштышашым сайлан шотлен. Тыгай зоным ышташ йодмашым Россий экономик министерствыш шушаш ийын пуаш палемдыме. Тидын нерген Российын экономик вияҥмаш министрже Максим Решетников ден Марий Элым вуйлатыше Юрий Зайцевын вашлиймышт годым пале лийын. Кызытсе жаплан республике Волжский район ден Волжск олаште йӱкшыктарыше оборудований да быт химийым лукташ экономик зоным ышташ ончыкылык инвестор- влак дене соглашенийым пеҥгыдемден. Вашлиймашыш погынышо- влак регионым вияҥдымаште ончыкылык корно- влакым каҥашеныт. Максим Решетников ончыл отрасль- влак коклаште промышленностьым, ял озанлыкым, эҥер туризмым вияҥдымым палемден. Республике географий шот дене йӧнан верыште, Юл воктене улеш да эҥер туризмын рӱдыжӧ лийын кертеш. Тидлан республике причал пырдыж- влакым чоҥаш кугыжаныш полышым чолганрак кучылтшаш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
