Российын триатлон федерацийже Марий Элыште тиде спортым вияҥдаш кугу куатым ужын
Российын триатлон федерацийже Марий Элыште тиде спортым вияҥдаш кугу куатым ужын. Тиде спортым тӱнямбалне эн чолган вияҥшылан шотлат. Тушко иймаш, велосипед да куржталмаш пурат. Нуно чыланат вийым да чытымашым пеҥгыдемдат. Сандене тудо йоча да кугыеҥ- влак коклаштат кумдан шарлен,- возен социал вотлаште ола мэрын икымше алмаштышыже Лев Покровский. Тудо шкежат тиде спортым йӧрата. А амалже- республикыш Россий триатлон федерацийын исполнительный директоржо Ибрагим Касимовын толмыжо лийын. Тудо Правительство вуйлатышын икымше алмаштышыже Михаил Васютин, спорт-туризм министр Лидия Батюкова дене вашлийын, рӱдӧ оласе спорт объектлашке миен. Тыге тудо талантан спортсмен- влакым ужын, триатлоным вияҥдаш кугу йӧн уло манын. Тыгак регион- влак кокласе кыл кӱлеш манын. Мут толмашеш: триатлон дене Россий кубкын кумшо йыжыҥже 2-шо- 3-шо сентябрьыште Патриарший площадьыште лийшаш. Тиде любитель да профессионал- влак коклаште триатлон-спринт лиеш, Россий сборныйын еҥже- влакат участвоватлаш шонат.
Фото: ВНД.
Фото: ВНД.
