Российыште турист таксим ыштен кертыт

         Российыште турист таксим ыштен кертыт. Турист- влаклан таксилан субсидийым ойырымо проект «Туризм да унам вашлийме индустрий» у калыкле проектын радамышкыже пурен кертеш. Тыгай темлымашым правительствыш «Российысе пассажир- влак ушем» ыштен. Ушемын президентше Илья Зотовын мутшо почеш, кумылым савырыше туризм верлашке пассажирым коштыктышо такси компанийлан субсидированийым ойыраш темлалтеш. Мутлан, пеш оҥай ял- влак улыт, но тушко шке машина дене веле миен шуаш лиеш. А машинаже чылаштын уке. Сандене чапле верым чылан ужышт манын, таксилан субсидированийым ойыраш темлат. Таксистым ямдылыме программым ышташ да олан але регионын достопримечательностьшо шерген шинчымашым пуаш, тыгак тора верлаште таксим ӱжмӧ стационар верлам ышташ темлалтеш. Тудыж дене кыл уке годым пайдаланаш лиеш. Тыгай темлымашым калыкле проектыш пуымо, Госдумын туризм шотышто комитетшым вуйлатыше Сергей Кривоносовын мутшо почеш докладым президентлан ончыктат.

Прошлые выпуски