Самырык футболист- влакын «Шӱштӧ мече» Россий кӱкшытан таҥасымашышт
Самырык футболист- влакын «Шӱштӧ мече» Россий кӱкшытан таҥасымашышт. Тиде ӱчашымаште Марий Элын чапшым Красногорский посёлко гыч «Восход» да Волжск ола гыч «Волжск» команде аралат. «Волжск» команде 12-13 ияш рвезе- влак коклаште таҥасымашын кумшо йыжыҥыштыже таҥаса. Тудыжо 23-шо гыч 30-шо сентябрь марте Волгоград областьысе Волжский олаште эрта. Красногорский посёлко гыч «Восход» команде 10-11 ияш рвезе- влак коклаште таҥасымашын тыгак кумшо йыжыҥыштыже модеш. Модмаш 24-ше сентябрь гыч 1-ше октябрь марте Ставрополь крайысе Ессентуки олаште лиеш.
