«Россия» Тӱнямбал выставкыште ончыктымо Марий Элын стендшым ынде Евсеев лӱмеш калыкле тоштерыште ужаш лиеш

«Россия» Тӱнямбал выставкыште ончыктымо Марий Элын стендшым ынде Евсеев лӱмеш калыкле тоштерыште ужаш лиеш
               «Россия» Тӱнямбал выставкыште ончыктымо Марий Элын стендшым ынде Евсеев лӱмеш калыкле тоштерыште ужаш лиеш. «Россия» калыкле рӱдерын филиалжым шке кундемыште ыштымашке Марий Эл кӱлешан ошкылым ыштен. Москосо ВДНХ-ште  Тӱнямбал ончер-форумышто 2023-шо ийын 4-ше ноябрь гыч 2024-ше ийын 8-ше июль марте пашам ыштыше ончер Евсеев лӱмеш калыкле тоштерыш куснен. Республикын «Марий Эл. Пӱртӱс ден технологийын пырлялыкышт» ончерже ончаш толшо ятыр еҥын кумылжым савырен. Тудын пашам ыштыме жапыштыже ончерым лу миллион утла еҥ ужын, стендын программыже кышкарыште 17 тӱжем мероприятий эртен, тушко кок тӱжем утла тӱвыра событий пурен. Стендым кум корно дене ыштыме: «Илыме кумдык», «Илышыш путёвка» да «Кугу Ай-Ти-проектлан шочмо верышт». Ынде ончерын илышыже Евсеев лӱмеш тоштерыште  «Марий Эл. Йӱла деч инноваций марте» лӱм дене умбакыже шуйна. Марий Элым вуйлатыше Юрий Зайцев ончерым шке ончен лектын да кӱлешлыкшым палемден.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски