«Самырык- влаклан регион» Россий кӱкшытан конкурсышто Марий Эл самырык- влак политикым вияҥдыме стратегийым ончыктен
«Самырык- влаклан регион» Россий кӱкшытан конкурсышто Марий Эл самырык- влак политикым вияҥдыме стратегийым ончыктен. Москошто Самырык- влакын пашашт шотышто федерал агентствын ямдылыме «Самырык- влаклан регион» Россий кӱкшытан конкурсын очный йыжыҥыштыже Марий Элын пашажым презентоватлыме. Марий Элым вуйлатыше Юрий Зайцев Росмолодёжьым вуйлатыше Григорий Гуров дене республикыште самырык- влак политикым ончыкыжым вияҥдыме йодышым каҥашен. Юрий Зайцевын палемдымыже почеш, тӱҥ задачыже- самырык- влаклан шке шонымашыштым илышыш шыҥдараш йӧным ыштымаш да регион гыч самырык- влакын кайымыштым шагалемдымаш. Марий Элыше 165 тӱжем самырык еҥ ила. Нунылан тӱрлӧ йӧн ышталтеш. Тӱҥжӧ- самырык- влак пӱрымашыштым республике дене кылдашт, тыште ешым чумырышт, республикым вияҥдаш надырым пыштышт манын тыршена,- каласен Юрий Зайцев. Июнь мучашыште конкурсын лектышыже да сеҥыше- влак пале лийыт. Нуно самырык- влак политикым вияҥдаш федерал оксам налыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
