Сарзе- влакын ешыштын комитетыштын регионысо штабшын конференцийже эртен

Сарзе- влакын ешыштын комитетыштын регионысо штабшын конференцийже эртен
            Республикысе ачамландын сарзыже- влакын ешыштын комитетше лӱмын эртарыме сар операций кундемыш 91 тонн гуманитар полышым колтен. Теҥгече Республикысе курчак театрыште сарзе- влакын ешыштын комитетыштын регионысо штабшын конференцийже эртен. Тушто 2023-шо ийысе паша лектышым каҥашеныт да ончыкылыклан планым каҥашеныт. Конференций кышкарыште Правительстве председательын икымше алмаштышыже Михаил Васютин «Геройын Пелашыже. Геройын Аваже» фотоончерым ончен лектын. Тиде проект Марий Элым вуйлатыше Юрий Зайцевын полшымыжо почеш шыҥдаралтеш. Погынышо- влакым Михаил Васютин саламлен ойлен. Кучем орган штаб дене пырля кӱлешан мероприятий- влакым эртарат. «Кичиер» ден «Пӱнчер» санаторийлаште боец да нунын ешыштлан тазалыкым пеҥгыдемдыме смене- влакым ыштыме. 4-ше гыч 17-ше март марте «Кичиерыш» канаш да эмлалташ боец- влакын пелашышт ден аваштым колтат. «Уло шӱм-чон дене нацизмым сеҥымашым лишемдымашке пыштыме шергакан надырланда тауштем»,- лудын лектын Марий Элым вуйлатышын саламлымашыжым Михаил Васютин. 2023-шо ийыште СВО-н участникше да нуын ешыштын 359 обращенийыштым ончен лекме, 91 тонн гуманитар полышым, 107 маскироватлыше вотым, 300 килограмм сортам, лу техникым колтымо, тунемше- влак 500 серыш ден саламлымашым возеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски