Ужалат, налыт...
Тиде арнян Йошкар-Олаште черетан ял озанлык ярмиҥга эрташ тӱҥалеш. Ты гана тудо Ленин лӱмеш площадьыште лиеш. 9 гыч 15 шагат марте пашам ышта. Тушко ял озанлык сатум ыштен налше-влакым, фермер-шамычым, сад-пакчазе ден вольык ончышо-влакым ӱжыт. Йодмашым Йошкар-Ола администрацийышке пуыман. Ярмиҥга пайрем сынан лиеш. Калыклан каныме программымат ямдылат.
