Спортым - школлашке
Волжский район Шарача кыдалаш школ пелен армий деч ончычсо ийготан самырык-влакын спартакиадышт эртен. Рвезе-влак кеҥеж полиатлон программе почеш таҥасеныт. Гранатым кышкеныт, пневматике винтовко дене лӱкаленыт, 100 да 200 метр кужытан дистанцийышке куржыныт. Тӱшка балл дене Шарача школын командыже икымше верыш лектын. Сотнур да Приволжский школ-влак кокымшо да кумшо лийыныт.
