Республикына пайремлан ямдылалтеш
Марий Эл республикын кечыжым палемдаш ямдылалтеш. Пайрем мероприятий-влак 2-шо октябрь гыч эрташ тӱҥалыт. Кажне ийын чыла муниципал образованийыште концерт программым, тӱрлӧ конкурсым, спорт таҥасымаш-влакым ямдылат. Тышке тӱвыра тӧнеж, школ ден книгагудо-влак кумылын ушнат. Йошкар-Олаште, мутлан, 2-шо ноябрьыште Полупроводник прибор-влак завод тураште уэш тӱзатыме деч вара Совет Ушем Герой Александр Иванович Владимиров лӱмеш сквер почылтеш. Самырык-влакын полатыштышт калыкле тӱвыра фестиваль эрташ тӱҥалеш. А 1-ше ноябрьыште поро йӱла почеш Республикысе сӱретсымыктыш тоштерыште «Край марийский» ончерым почыт. Кугу этнографический диктантат республикын кечыжлан пӧлеклалтеш. Тылеч посна республикына «Россия» тӱнямбал ончер-форумлан ямдылалтеш. Тудо Российын икоян улмо кечынже Москошто ВДНХ-аште эрташ тӱҥалеш.
