Школлаште газ лиеш!
Марий Элыште социальный объектлашке пӱртӱс газым пуртымо паша умбакыже шуйна. Туныктышын кечыже вашеш сай пӧлек Морко районысо кок школлан ышталтын. Газификаций программылан кӧра «канде» тул дене Волаксола да Зеленогорск посёлкысо школ-влак олталташ тӱҥалыт. Кызыт нине тунемме тӧнежлаште 135 йоча шинчымашым пога. Школ деч ончычо группылашке 28 икшыве коштеш.
Тыгаяк паша У Торъял районышто мучашке лишемеш. Тушто ик школ да кок йоча садыш газым пуртышаш улыт.
