Кеҥежым яра шинчен огытыл
Эртыше кеҥежым пашаверым ситарыме шотышто республикысе рӱдерла гоч ийготыш шудымо 900 утла еҥ пашам муын. Тӱрлӧ ваканцийым 100 пашапуышо темлен. Пашам кычалше-влакын ийготышт – 14 гыч 18 ияш марте. Каникул жапыште нуно тӱҥ шотышто промышленный, чоҥышо да ял озанлык предприятийлаште подсобный пашаеҥ лийыныт. Тыгак курьерлан пашам ыштеныт, школ-влакым у тунемме ийлан ямдыленыт, мемориал комплекс-влакым тӱзатымаште тыршеныт.
