Российысе науко академий Йошкар-Олалан «Паша Чап ола» лӱмым пуымо дене келшен
Российысе науко академий Йошкар-Олалан «Паша Чап ола» лӱмым пуымо дене келшен. Рӱдолана Почёт лӱмым налашлан негызше улмо нерген шанче академийын эксперт заключенийжым налын. Тиде куан уверым мэрын сомылжым шуктышо Антон Трудинов увертарен. Эксперт заключенийыште ойлалтеш: Йошкар-Оласе калык Кугу ачамланде сарыште сеҥымашыш шуашлан кугу надырым пыштен, промышленный предприятийлаште сар- граждан продукцийым чарныде луктын шогеныт. Тидын годым тӱшка паша героизмым ончыктеныт да шкем чаманыде тыршеныт. Чап лӱмым пуымо шотышто иктешлыше решенийым пуымаш элнан президентшын вуйлатыме «Сеҥымаш» Российысе организационный комитет деч шога. Ушештарена: кызыт «Паша Чап ола» лӱмым российысе 63 ола нумалеш.
Фото: Антон Трудинов ВК.
Фото: Антон Трудинов ВК.
