Калык- влакын келшымаш пӧртыштышт калыкле политике дене конференций эртен

Калык- влакын келшымаш пӧртыштышт калыкле политике дене конференций эртен
              Республикысе калык- влакын келшымаш пӧртыштышт калыкле политике дене конференций эртен. «Российысе регионлаште калыкле да конфессий кокласе кыл» Россий кӱкшытан шанче-практик конференций кумшо да нылымше октябрьыште Калык- влак келшымаш пӧртыштӧ 14 регион гыч 100 утла шанчыеҥым чумырен. Марий Элым вуйлатыше Юрий Зайцевын лӱмжӧ дене погынышо- влакым Правительстве вуйлатышын алмаштышыже- тӱвыра министр Константин Иванов саламлен, кугыжаныш да ведомствын наградыже- влакым кучыктен. Погынышо- влакым тыгак Марий Эл Кугыжаныш погыным вуйлатыше Михаил Васютин саламлен. Вара пленар доклад- влакым колыштмо. Тӱвыра министрын алмаштышыже Игорь Садовин кугыжаныш калыкле политикын концепцийжым шыҥдарыме нерген ойлен. Тиде темым каҥашымаш секцийлан заседанийыштышт умбакыже шуйнен. Конференций «2013-шо- 2030-шо ий- влаклан Республикын кугыжаныш калыкле политикыже» программе кышкарыште эртаралтеш.
           Фото: Тӱвыра министерстве.

Прошлые выпуски