Шуля эҥер гоч кӱварым идалык мучаш марте ачален пытараш шонат
Шуля эҥер гоч кӱварым идалык мучаш марте ачален пытараш шонат. «Куяр-Солнечный-Роҥго» корнын 39-ше меҥгыштыже кӱварым олмыктымо паша умбакыже шуйна. Тудым кодшо ийын жапым ончылтен «Качестван лӱдыкшыдымӧ корно» калыкле проект кышкарыште тӱҥалме. Пашам ыштыме жаплан йыргорным да жаплан кӱварым ыштыме. Кызыт у кӱвар меҥге- влакым чоҥымо, кӱртньӧ пролётым ыштыме. Пашам 50 процентлан шуктымо. Кызыт корно пашазе- влак корно полотно дене пашам ышташ ямдылалтыт. Йолешке тротуарым ышташ, кӱвар йымалсе кумдыкым, вӱдым колтымо системым ышташ палемденыт. Каптально олмыктымо пашан акше 140 миллион теҥгем эрта. Кӱварым идалык мучаш марте шукташ шонат. Тиддеч посна тиде корныштак 46-шо меҥгыште майыште Роҥго эҥер гоч эше ик кӱварым ачалаш шонат. Тыгак 15-ше гыч 20-шо меҥге марте ужашыште лунчыргышо асфальтым уэмдат. Тыге тений корнын пӱтынь кужытшо норматив марте шукталтеш.- палемдат чоҥымаш министерствыште.
Фото: Транспорт министерстве.
Фото: Транспорт министерстве.
