Марий Эл Павительстве ден «Яндекс» коклаште вашкыл регионым цифровизироватлыме проектым шыҥдараш полша
Марий Эл Павительстве ден «Яндекс» коклаште вашкыл регионым цифровизироватлыме проектым шыҥдараш полша. Теҥгече Марий Элым вуйлатыше Юрий Зайцев ден «Яндексын» регион- влак дене кылым кучымо шотышто директоржо Антон Москаленков вашкыл нерген соглашенийым пеҥгыдемденыт. Республике ден Ай-Ти комапний коклаште вашкыл почеш тунемме проектлам вияҥдаш, Республикысе Кугыжаныш архивын документше- влакым «Поиск по архивам» сервисыш пурташ, Яндексын сервислаштыже марий ойым пален налме паша да моло проектат улыт. Туризм корно денат паша ышталтеш. Яндекс Марий Эл дене икмыняр ий кылым куча. Яндекс-переводчикыште 22 миллион кучылталтше кӱчык ойым чумырымо. Моло продуктымат вучена, чыла проектыштат участвоватлаш ямде улына. Республике оҥай, кылым кучаш почылтшо улеш. Мыланна тыгак турист отрасльым вияҥдымашат кӱлешан,- каласен Юрий Зайцев. Марий Элыште калыкын кажне кечын кучылтмо Яндекс Такси, Яндекс кочкыш, Яндекс Маркет сервис- влак пашам ыштат. Компаний тыгак ятыр виртуал продуктым пуа. Шинчымашым пуышо проект- влакланат тау. Тачысе цельна- шыҥдарыме проектлам пеҥгыдемдаш да ончыкылыклан проект- влакым палемдыме,- каласен Антон Москаленков. Вашкыл кышкарыште ончыкылыкан корнылан архив, книгагудо фондлам, периодикым цифран форматыш кусарымаш шотлалтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
