Фигурнын мунчалтымаш дене республикын сеҥымашыже
Марий Эл гыч фигуристка Дарья Садкова фигурнын мунчалтымаш дене Россий Чемпионатын ший призёржо лийын. Омскышто Россий чемпионатын таҥасыме ужашыже мучашлалтын. Пытартыш кечынже шкетын мунчалтыше ӱдыр- влак произвольный программым ончыктеныт. Ӱдырамаш мунчалтыше- влак коклаште Этери Тутберидзен тунемшыже Аделия Петросян ӱшанлын ончыко лектын, кокымшо верым Марий Эл гыч пырля тунемшыже Дарья Садкова налын, Алина Горбачёвалан кумшо вер логалын.
