Йошкар-Олаште пужен ыштыме деч вара Марий Самырык театрым почмо
Йошкар-Олаште пужен ыштыме деч вара Марий Самырык театрым почмо. Пужен ышташлан «Тӱвыра» калыкле проект кышкарыште 658 миллион тенем ойырымо. Пашам 2023-шо ий шошым уэш тӱҥалме. Марий Самырык театрым почмаште Республикым вуйлатыше Юрий Зайцев лийын. Тудо чоҥышо- влаклан да проектым илышыш шыҥдарымаште тыршыше- влаклан тауштен да наградым кучыктен. Театрым 80-шо ийлаште чоҥымо. Кызыт тудо йӧршын вашталтын, у кызытсе жаплан келшыше тӱсым налын. Пужен ыштыме деч вара тӱшка кумдыкшо шым тӱжемат 300 квадрат метр марте кугемын. Тидыже кум тӱжемат пеле квадрат метрлан ончычсо деч шукырак. Ынде театрыште 110 верлан изи зал уло, репетиций да куштымаш зал, мураш тунемме пӧлем, кумда мастерсткой- влак, чапле гримёрко-шамыч ышталтыныт. Рекзизитым, костюмым аралыме ешартыш вер, живопись да декораций, слесарь-механик мастерсткой да молат ешаралтыныт. Ончымо залымат пужен ыштыме. Ынде тушко 200 еҥ пура, залыште у мебельым вераҥдыме, свет да йӱк оборудованийым шындыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
