Зданийын озаже- влак тӱзландарыме правилым огыт шукто гын, нунылан штрафым тӱлыктат
Зданийын озаже- влак тӱзландарыме правилым огыт шукто гын, штрафым тӱлыктен кертыт. Йошкар-Олаште тиде правилым шуктымо шотышто тергымашке икмыняр зданий, чоҥымаш, пӧрт да моло оралте пурен. Нунын озашт ны оралтын тӱжвал тӱсшым сайын кучымо, ны кундемжым тӱзатыме, ны калыклан лӱдыкшыдымым ыштыме нерген огыт шоно. Ик тыгай зданийлан оласе Чавайн бульвар 27-ше пӧрт адрес дене финанс-кредит тӧнежын яра шогышо пӧртшо шотлалтеш. Тудын озаже респубике деч ӧрдыжтӧ ила, икмыняр гана тудлан штрафым тӱлыкташ ыштыме. Кодшо ийын гына тудын шотышто 40 наре протоколым возымо. Но ик тӱжем теҥгеаш штраф тудым нигузеат кумылаҥден огыл. Тений законыш вашталтышым пуртымо да штрафым кугемдыме. Кудалтен кодымо объектшылан тудын озажлан ынде 50 гыч 75 тӱжем теҥге марте тӱлыктен кертыт.
