Таче- пӱйым эмлыше врачын Тӱнямбал кечыже

Таче пӱйым эмлыше врачын Тӱнямбал кечыже палемдалтеш. Кызытсе стоматологий вашке вияҥеш. Ынде пӱйым эмлыме кабинетыш мияш лӱдыкшӧ огыл. Корштарыде эмлат. 1790-шо ийыште икымше бормашинам ыштеныт. Тудым Вашингтонысо эмлыше врач Джон Гринвуд шонен луктын. Тудо кугу машинаш аважын меж кӱнчылажын ораважым келыштарен. Электрический бормашина 1907-ше ийыште гына шочын. Эмлыше пӱй врач икмыняр тӱрлӧ лиеш: стоматолог-терапевт, стоматолог-хирург, стоматолог- пародонтолог, врач-ортодонт, стоматолог- ортопед. Профессионал кечын пӱй врач- влак шке коллегышт, лишыл еҥышт да пациентышт деч саламлымашым налыт.

Прошлые выпуски