Марий Элыште 440 лӱштымӧ ушкаллан уэмдыме фермым почыныт

Марий Элыште 440 лӱштымӧ ушкаллан уэмдыме фермым почыныт
               Марий Элыште 440 лӱштымӧ ушкаллан уэмдыме фермым почыныт. Марий Турек районысо Хлебниково селаште «Хлебниковский» ушемын уэмдыме фермыже пашам ышташ тӱналын. Лӱштымӧ залым почмо церемонийыште ял озанлык министр Павел Раевский, районым вуйлатыше Сергей Решетов, предприятийым вуйлатыше Геннадий Михайлов лийыныт. Уэмдымашын тӱҥ элементше- «Параллель» лӱштымӧ установка. Тудо 320 вуйлан келыштаралтын. У технологийым шыҥдарымаш доярке- влакын пашаштым куштылемдаш да шӧрын качествыжым эре кучен шогаш полша. Озанлыкыште  чылаже тӱжемат 256 вуй тӱкан шолдыра вольык уло, 440-же лӱштымӧ ушкал. Тенийсе икымше пелийыште шӧр лӱштыш кок тӱжемат 452 тонн утла лийын. Тидыже кодшо ийысе деч 12 процентлан шукырак. Министр фермым почмашым «ончыкылыкыш инвестиций» манын аклен.
                  Фото vk.ru/pavelraevskiy

Прошлые выпуски