Российын кучемже Марий Элысе вашке полыш машине паркым уэмда
Российын кучемже Марий Элысе вашке полыш машине паркым уэмда. Россий Правительствын вашке полыш машнам налын пуымо 18 регион коклаш Марий Элат пурен. Тидын шотышто распоряженийым Правительстве вуйлатыше Михаил Мишустин пеҥгыдемден. Тиде пашалан ик миллиард утла теҥгем ойырымо. 18 регионлан 196 вашке полыш машинам налыт. Марий Эл деч посна паркыштым Алтай, Бурятий, Карелий, Хабаровск край, Еврей автоном область да эше 11 область пойдарат. Марий Эллан мыняр машине логалме нерген документыште рашемдыме огыл.
Фото: Иннокентий Радыгин
Фото: Иннокентий Радыгин
