Тӱнямбал кӱкшытан «Тотальный диктант» акций лиеш
Республикыштына 17-ше октябрьыште кажне ийын лийше Тӱнямбал кӱкшытан «Тотальный диктант» акций лиеш. Тудо 14 шагатлан Сергей Чавайн лӱмеш калыкле книгаудышто тӱҥалеш. Тиде диктант тений 4-ше апрельыште лийшаш ыле, но карантинлан кӧра 17-ше октябрьыш кусарыме. 8-ше октябрьыште тушко регистраций тӱҥалын. Тудлан ойыртемалтше текстым писатель Андрей Геласимов ямдыла. Ондак диктантым возаш шке мийыман ыле гын, кызыт кум йӧным ойырен налаш лиеш: очно, онлайн да мӧҥгышто кид дене возымаш. Кумшыжлан регистрацийым эртыман, книгагудыш миен, бланкым да фирменный ручкам налман. Палемдыме жапыште диктантын трансляцийже тӱҥалеш. Возымеке, бланкым тергыме пунктыш пуыман. Книгугудыш толшо-влак Роспотребнадзорын кӱштымашыжым шуктен возат.
