Таче Эл кӧргӧ паша органыште тыршышын кечыже палемдалтеш
Йӱла почеш профессионал пайрем вашеш Россий Федерацийын эл кӧргӧ паша министрже, полицийын генералже Владимир Колокольцев кугыжаныш да ведомствын наградыжым торжественно кучыктен. Наградым налше- влак коклаште «Козьмодемьянский» межмуниципал пӧлкан полицийын уполномоченный участковыйжо полицийын майоржо Александр Абросимов лийын. Тудын деке кодшо ийын ноябрьыште дежурный деч увер пурен: Юрино районысо ик ялыште пӧръеҥ колым кучышыжла иян йӱштӧ пӱдыш пурен каен да лектын ок керт. А Александр тораште лийын огыл да вигак пӧръеҥым кычалаш каен. Ий ӱмбачын тудын деке лишемын, колызым кидше гыч руалтен да лӱдыкшыдымӧ верыш шупшын луктын. А серыш тиде жапыште вашке полыш бригаде толын шуын. Тиде чолгалыкшылан Александр Абросимовлан «Утарыме годым чолгалыклан» МВД-н медальжым кучыктымо.
Фото: МВД-н пресс-службыжо.
Фото: МВД-н пресс-службыжо.
