Таче кече гыч Президентын палемдыме оксам йоча- влаклан пуаш тӱҥалме
Тачысе кече гыч 3 гыч 16 ияш марте йоча- влаклан палемдыме оксам пуаш тӱналыт. Майыште президент Владимир Путин икшыван еш- влаклан ешартыш социал полышым пуымо шотышто Указым луктын ыле. Росстатын аклымыж почеш, элыштына тӱшка калыкын чотшо деч 22 утла процентше 18 ияш марте йоча- влак улыт. Кызыт йоча садлаште вер ситыдыме йодыш пӱсын кодеш. Россий мучко 1000 йочалан 639 вер шотлалтеш. Йоча-влаклан профилактике осмотр да диспансеризаций эртаралтеш. Нунын дене 96 процент йочам авалтыме. Тыге ятыр черым шагалемден кертме. Ача-аван праваже деч посна кодымо йоча- влакын чотышт шагалемын. Кызыт 10 тӱжем тыгай еҥлан шотлымаште 13 икшыве шотлалтеш. Лу ий ончыч 25 йоча лийын. Мыняр йоча могай йӧныштӧ илымыж нерген раш данныйым Всероссийский перепись ончыктышаш. Тудыжым Росстат вес ийыш кусараш темлен.
