Республикысе самырык педагог- влак «Авангардыш» семинарыш погыненыт

Республикысе самырык педагог- влак «Авангардыш» семинарыш погыненыт
                Республикысе самырык педагог- влак «Авангардыш» семинарыш погыненыт. Тушто кок кече мучко самырык педагог- влаклан «Икымше ошкыл» семинар эртен. Йошкар-Оласе школ ден йоча садлаште пашаш ушнышо специалист- влак опытан наставник- влакын вуйлатымышт почеш шке шинчымаш ден моштымашыштым таптеныт. Нунылан палыме лийме мероприятийым, команде дене модмашым, мастар- классым, спорт да усталык таҥасымаш- влакым эртареныт. Кызытсе жапыште педагогын рольжым семинарым почмаште Йошкар-Ола ола округым вуйлатыше Лев Покровский палемден. Йочана- влакым могай поянлыклан туныктена, кузе воспитатлена, тунем лекмеке нуно шке ончыланышт могай цельым шындат- тиде пешак кӱлешан. Тидын дечын мемнан ончыкылыкна гына огыл, элнан ончыкылыкшат шога. Южо шинчымашым книга гыч гына налаш ок лий. А тыгай пайдале вашлиймаш, мутланымаш, модмаш гыч шуко уым пален налаш лиеш. Тудым ончыкыжым йочам шуарымаште, элнан ончыкылыкшым ыштымаште кучылташ кӱлешан лиеш,- каласен Лев Покровский.
                Фото: Йошкар-Ола депутат- влак погынымаш.

Прошлые выпуски