Талантан йоча- влаклан республикысе рӱдерын попечитель советшын икымше заседанийже эртен
Марий Элым вуйлатыше талантан йоча- влаклан республикысе рӱдерын попечитель советшын икымше заседанийжым эртарен. Регионысо у туныктыш рӱдерын лӱмжӧ- «Волгенче». Тудо йочалан пӱртӱс дене юмын пуымо пӧлекым, талантым ончыкта. Тудым эре вияҥден толман. Тудын тӱҥ цельже йоча ден самырык- влакын талантышым рашемдаш гына огыл, а утыр-утыр тудлан полшен, вияҥден толмаш. Рӱдерым Марий Элым вуйлатышын кӱштымыжӧ почеш ыштыме. Юрий Зайцев ик гана веле огыл палемден: республикысе кажне йоча шке усталыкшым ончыктен кертшаш, а кучем тудлан полшен шогышаш. Попечитель советын радамышкыже «Сириус» туныктыш рӱдрын «Таланта ден сеҥымаш» фондшым вуйлатыше Елена Шмелёва, кучемын, промышленный предприятийлан, вузлан еҥышт пуреныт. Попечитель советым Республикым вуйлатыше Юрий Зайцев шке виктараш тӱналеш, а рӱдерым Еленна Филиппова вуйлата. Уста йоча- влак дене пашам ышташ кум корным ойырен налме: «Шанче», «Сымыктыш» да «Спорт». Пашаште полшышо эксперт- влак коклаште марий университет- влакын доцентышт, лӱмлӧ актёр, сӱретче, тренер, туныктыш, тӱвыра тӧнежлам вуйлатыше- влак- чылаже кукшӧ профессионализман 76 еҥ улыт. Рӱдер шке пашажым Сочи оласе «Сириус» туныктыш рӱдер семын виктараш тӱҥалеш.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
