«Кӱчык И» кумшо кинофестивальын почётан унаже Андрей Андреевич Эшпай лиеш

«Кӱчык И»  кумшо кинофестивальын почётан унаже Андрей Андреевич Эшпай лиеш
                Марий Элыште «Кӱчык И»  кумшо кинофестивальын почётан унаже семын Андрей Андреевич Эшпай лиеш. Тиде кинофестиваль 27-ше гыч 30-шо август марте эрта Фестивальын программыштыже посна верым режиссёр Андрей Эшпайлан ойырымо. Тудын усталыкше да шке историйже Марий Эл дене чак кылдалтын. Тудын кочаже Яков Эшпай марий профессионал музыкылан негызым пыштыше улеш, ачаже Андрей Эшпай –лӱмлӧ композитор, шкеже- изирак Андрей Эшпайже «Дети Арбата» шуко сериян фильмын режиссёржо, Ялтысе «Вместе» тӱнямбал кинофорумын Гран-Прижын лауреатше, ТЭФИ премийын «Лучший телесериал» категорийыште номинантше улеш. Тыгак кӱкшӧ акым «Многоточие» картине налын. Тудо «Белый слон», «Ника», «Золотой орёл» премий- влак дене палемдалтын. Тыгак тудын пашаже- влак радамыште «Событие», «Иван Грозный», «Элизиум», «Куприн Впотьмах» да ятыр документал фильм- влак улыт,- палемдат «Кӱчык И» кинофестивальын пресс-службышыжо.
            Фото: Йошкар-Оласе «Кӱчык И» кинофестиваль гыч.

Прошлые выпуски