Тений Йошкар-Оласе йолчием фабрикыште у производство цехым пашаш колтат

Тений Йошкар-Оласе йолчием фабрикыште у производство цехым пашаш колтат
                  Тений Йошкар-Оласе йолчием фабрикыште у производство цехым пашаш колтат. Теҥгече Марий Элым вуйлатыше Юрий Зайцев йоличем фабрикыш миен. Тудо производство пӧлем-  влакым ончен, йолчиемым ыштыме у цехым чоҥымо паша дене палыме лийын. Тиде цехым тений нылымше кварталыште пашаш колтышаш улыт. Республикым вуйлатыше тыгак ямде продукцийым тергыме лабораторийыш миен. Тушто специалист- влак сатум тестироватлат да качествыжым тергат.
                   Фабрикын генеральный директоржо Сергей Каморкин ямде продукцийым ончыктен, аралыше йолчиемын качестве шотышто кӱкшӧ стандартшым палемден. Тыгай йолчием Россий рынкыште да Казахстаныште ужалалтеш. Ныл ийыште предприятий производство кумдыкым нылыт гыч 13 тӱжем квадрат метр марте кугемден. Кызыт эше 9 тӱжем квадрат метрлан у цехым чоҥат. Сатум нефтьым перерабатыватлыше, металлургий, добывающий, энергетике, пищевой промышленностьлан, транспорт обслуживаний дене, полыш сфера да моло сомыл дене кылдалтше компанийлаш колтат. Йошкар-Оласе йолчием фабрикыште «Ликвидатор» костюмым лукташ тӱналме, кӱшыч камвочмо деч аралыше средствым лукташ ямдылалтмаш кая.
                     Предприятий 1946-шо ийыште негызлыме деч вара шкенжым ӱшанле партнёр семын ончыктен. Кызыт тушто 900 утла еҥ пашам ышта. Фабрика лӱмын ыштыме вургем ден йолчиемым, шкем аралыме йӧным лукшо «Техноавиа» Фирма» российысе вӱдышӧ производительын производство куат радамышкыже пуа.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски