Тунемше- влакым шокшо кочкыш дене пукшымо йодышым республикым вуйлатыше каҥашен

Республикыштына тӱҥалтыш класслаште тунемше 35 тӱжем утла йочам шокшо кочкыш дене пукшаш тӱҥалыт. Тыгай задачым шынден Президент Владимир Путин 15-ше январьыште Федерал Собранийлан ойлымо Посланийыштыже. Икымше сентябрь гыч кузе тиде пашам илышыш шыҥдараш тӱҥалме нерген Республикым вуйлатыше Александр Евстифеевын эртарыме совещанийыште ойлымо. Туныктыш министр Наталья Адамован мутшо почеш, икымше сентябрь гыч 35 тӱжемат 456 тунемшым шокшо кочкыш дене авалтыман. Ончылгоч шотлымо почеш, тидлан 158 миллион теҥге окса кӱлеш лиеш. Паша ешаралтеш. Южо оборудованийым вашталташ але олмыкташ кӱлеш лиеш. А вес ийлан бюджетыште лӱмын окса палемдалтеш да кӱлеш оборудований налалтеш. А ял озанлык министр Александр Гречихо верысе ял озанлык кочкыш сатум лукшо- влак дене продуктым ситарыме шотышто кузе кылым ыштыме нерген ойлен. Олан мэрже Евгений Масловын мутшо почеш Йошкар-Оласе 28 школын пищеблокшо уло. Нуно пашам ышташ ямде улыт. Республикым вуйлатыше кугурак класслаште тунемше- влак нергенат мондыман огыл манын. Нунат кече мучко шокшо кочкышым налшаш улыт.

Прошлые выпуски