Тунемше- влак финанс грамотностьым нӧлтен кертыт

Республикысе школлаште тунемше- влакым финанс грамотность шотышто оксам тӱлыде шинчымашым налаш ӱжыт. Россий Банкын ямдылыме урок- влак школьник- влаклан тӱрлӧ финанс инструментым, инвестирований, страхований, могай лӱдыкшо улмо, кибербезопасность нерген пален налаш туныктат. «Финанс грамотностьын онлайн-урокшо- влак» 18-ше декабрь марте шуйнат. Тиде жапыште ӱдыр-рвезе- влак тӱрлӧ 19 темым шымлат. Чыла занятий яра эртаралтеш. Урокыш ушнашлан интернет, компьютер, экран але проектор кӱлеш. Урокын расписанийжым палаш да йодмашым пуаш Дни-фг.ру сайтыште лиеш. Ушештарена: тений шошым 49 урок эртаралте. Тудым 17 школ гыч 700 наре тунемше ончен.

Прошлые выпуски