Марий Турек район администрацийыште шошо ага паша йодыш дене совещаний лийын

Марий Турек район администрацийыште шошо ага паша йодыш дене совещаний лийын
          Марий Турек район администрацийыште шошо ага паша йодыш дене совещанийыште ял озанлык министерствын кушкылым куштымо да технике политике шотышто пӧлкажым вуйлатыше Эмир Каштанов участвоватлен. Тений районышто икияшым 29 тӱжем гектар кумдыкеш вераҥдаш палемдыме. Тидыже кодшо ийысе наре лиеш. Материально-технический ресурсым тӱрыс ситарыме. Кызыт кокияш озымлан 6 тӱжем утла гектарыште, шукияш шудылыклан 0,7 тӱжем гектарыште ӱяҥдышым пуымо. Курал кодымо 7 тӱжем гектар мландым, 7,3 тӱжем гектар шукияш шудылыкым, 0,8 тӱжем гектар озымым тырмалыме. Кызыт ӱдышаш материалым ямдылат. Совещанийыште тыгак пашам аралыме, пожар лӱдыкшыдымылык, ял озанлык мландым инвентаризироватлыме, кучылтдымо мландым уэш пӧртылтымӧ йодышлам ончымо. Министерствын еҥже шудо гыч гранулым ыштыме технолгий дене, уэш ыштыме коштышо да ойыркалыше комплекс, урлыкашым аяртыме паша дене палыме лийын.
         Фото: Марий Турек район администраций.

Прошлые выпуски