Нолька посёлкышто илыше- влаклан автобус маршрутым тӧрленыт

Нолька посёлкышто илыше- влаклан автобус маршрутым тӧрленыт

          Нолька посёлкышто илыше- влаклан автобус маршрутым тӧрленыт. Посёлок Йошкар-Ола кундемыш пура. Графикым уэш ончашлан амалым ола тӱрысӧ посёлкышто илыше- влакын ятыр вуйшиймашышт пуэн. Нунын мутышт почеш шымше номеран муниципал маршрутым муниципал кокласе 322 маршрут дене вашталтымылан кӧра, автобус- влак коклаште интервал кугемын. Эрдене рейс- влак коклаште кӱрылтыш ныл шагатышкат шуэш. Адакшым тений март гыч ик гана каяшлан акше 40 теҥге лийын. Тидыже илышлан нелылыкым луктын. Кечывалым секцийыш, кружокыш, быт, тазалыкаралтыш, каныш, социал объектлашке мияш ок лий манаш лиеш. Верысе калык шке депутатше Денис Клименчук деке йодмаш дене лектын. Тудыжо калыклан транспорт министр Александр Герасименко дене вашлияш йӧным ыштен. Мутланымаш пайдале да лектышан лийын: калыклан йӧнан лийже манын расписанийым вашталташ кутырен келшыме.

          Фото: Транспорт министерстве.

Прошлые выпуски