У ий да Рошто пайрем- влакым кузе эртарымым иктешлыме
Правительстве пӧртыштӧ У ий да Рошто пайрем- влакым кузе эртарымым иктешлыме. Иктешлымаш нерген Республикым вуйлатышылан правительстве председательын алмаштышыже Степан Воронцов каласкален. Тудын мутшо почеш чыла министерстве ден ведомство, муниципал службо- влак чаткан пашам ыштеныт, вучыдымо ситуаций марте шуктымо огыл. Но пайрем жапыште икмыняр происшествий, содыки, лийын. 31-ше декабрь ден икымше январьыште изирак иян йӱрлан кӧра энергетик- влак пеҥгыдемдыме режим дене пашам ыштеныт да ЛЭП-лаште кылмыше ийым кораҥденыт. Тыге линий кӱрышталтын огыл. Чот лумшо лум тыгак корнышто экшыкым ыштен кертын огыл. Тудым вашке кораҥдыме. Но Йошкар-Ола кӧргыштӧ да яллаште лумым кораҥдаш утларак жап кӱлын. Пайрем жапыште ЖКХ-ште 9 происществий лийын. Эн кугу аварийже Козьмодемьянскыште палемдалтын. Тудлан кӧра оласе калык йӱштӧ вӱд деч посна кодын. Утарыше службат пеҥгыдемдыме режимыште лийыныт. Туге гынат, У Торъял районышто кугу пожар лийын да ик еҥын ӱмыржӧ кӱрылтын.
Тичмаш налмаште чыла служба писын да чаткан пашам ыштен,- иктешлен Степан Воронцов. А игече йӱкшемдымылан кӧра, коммунал техникым да школ автобуслам кучылтмо шотышто темлымаш- влакым районлам вуйлатыше- шамычлан колтымо, манын тудо.
Тичмаш налмаште чыла служба писын да чаткан пашам ыштен,- иктешлен Степан Воронцов. А игече йӱкшемдымылан кӧра, коммунал техникым да школ автобуслам кучылтмо шотышто темлымаш- влакым районлам вуйлатыше- шамычлан колтымо, манын тудо.
