У перинатал рӱдер идалык мучашлан ямде лийшаш
У перинатал рӱдер икымше ӱдырымаш- влакым 2022-шо ийыште вашлиеш. Марий Элым вуйлатыше Александр Евстифеев Йошкар-Олаште чоҥымо площадке- влакым ончен савырнен. Тенийсе тӱҥ объектлан перинатал рӱдерын кӱкшӧ технологиян у корпусшым нӧлтымаш шотлалтеш. Тачысе кечылан объект 50 процентлан ямде. План почеш тудым икымше декабрьлан чоҥен пытарышаш улыт. Подряд организацийым вуйлатыше Руслан Муталиевын мутшо почеш, тӱжвал пырдыжым, технический пачашын коргӧ пырдыжлажым чоҥымо, шокшо сетьым пыштыме, ырыктыше системым ыштыме. Фасадым ышташ кодеш: витражым, окнам, фасадым шокшемдаш, март мучашлан шокшым пуаш да кӧргӧ отделке пашам тӱҥалаш- чылажат график почеш кая. Пашам мучашлаш 859 миллион теҥге колталтеш. Тушечын 840 миллионжо федерал бюджет гыч. Марий Элым вуйлатыше перинатал рӱдерыште чыла пачашыштат монтаж пашам ончен лектын, чоҥышо- влак дене паша планым каҥашен. Кызыт паша графикым ончылтен ышталтеш. Чоҥышо- влак вентиляций да кондицирований системым вераҥдат, канализаций сетьым шупшыт. Перинатал рӱдерын корпусшо федерал адресный инвестиций программым шыҥдарыме кышкарыште чоҥалтеш.
