Волжск оласе Сеҥымаш паркыште авиатор- влаклан шарнымашан палым почыныт
Волжск оласе Сеҥымаш паркыште авиатор- влаклан шарнымашан палым почыныт. Таче Российын Военно-воздушный вийжын кечынже Сеҥымаш паркыште кӱлешан событий лийын- военный авиацийлан мемориалым торжественно почмо. Юж флотын ветеранже- влакын палемдымышт почеш, тиде шарнымашан палым тукым- влак кокласе «кӱвар» семын аклаш лиеш: Кугу Ачамланде сарын геройжо- влак деч тӱналын таче СВО-кундемыште кредалше рвезе- влак марте. Тыгак тыглай калыкын да воин-авиатор- влакын пырля лийме лектышышт семын. Мемориалым нунын оксашт кӱшеш нӧлтымӧ. Тистым нӧлталмаш, саламлыме шомак, ик тат шып шоген шарналтымаш, пеледышым пыштымаш- герой- влакым шарнымашлан пӧлеклалтше йӱлаш савырныше программе лийын. Вара ола уремла дене автопробег эртен, начар тазалыкан йоча да подростко- влаклан Реабилитаций рӱдерыште улшо воспитанник- влак деке миеныт.
Фото: Кристина Изергина.
Фото: Кристина Изергина.
